Почитувани дами и господа, претставници на медиумите

На почетокот би сакал да се заблагодарам за вашето присуство денес. Особена чест и задоволството ми е да го најавам започнусвањето на процесот на изготвување на новата Национална стратегија за развој на шумарството во Република Македонија како придонес кон формулирањето на новата национална политика во шумарството.

Денес е првиот чекор од овој процес. Наскоро преку медиумите ќе биде повикана пошироката јавност, организациите и поединци да дадат свои забелешки, коментари и мислења во однос на нашата Национална шумска политика и стратегија. Ова е наша обврска како би постигнале консензус во однос на развојот на нашите природни ресурси сега и во иднина.

Гледајќи одблизу на шумарскиот сектор разбираме колку навистина важен и вреден природен ресурс ние имаме. Ние гледаме кон него во контекст на меѓународно значење и допринес на одржлив социјален, економски развој преку инегрална заштита на животната средина и природните ресурси.

Со надеж дека ќе работиме заедно, очекувам овој процес да даде успешен резултат - Национална шумска политика и стратегија која ќе биде одобрена од Владата на Република Македонија.

На крајот, би сакал да ја изразам нашата огромна благодарност до Организацијата за храна и земјоделие при Обединетите Нации FAO за својата активна и важна улога во поддршка на овој процес.

Благодарам.

Министер за земјоделство, шумарство и водостопанство,

Садула Дураки

 

Галерија со слики